Tramp BMT-dəki adamına Dalay Lama ilə görüşməyi niyə qadağan edib?

Donald Tramp ABŞ-ın BMT-dəki daimi nümayəndəsi Nikki Heyliyə XIV Dalay Lama ilə görüşməyi qadağan etmişdi.

Qaynarinfo xəbər verir ki, bu haqda məlumat ABŞ prezidentinin keçmiş müşaviri Con Boltonun yeni çapdan çıxan kitabında yer alıb. Bolton səbəb kimi 2018-ci ildə Çin ilə yaxşı münasibətləri göstərib. Tramp bu münasibətlərə xələl gəlməsini istəmirmiş.

Eyni zamanda Bolton qərarın doğru olduğunu düşünür, çünki Heylinin siyasi instinkt problemi var. Onun sözlərinə görə, o, yalnız seçkidə qadınların səslərini cəlb etmək üçün Trampın komandasına aparılıb, lakin Bolton Trampı bu qərardan çəkindirib.