Sibirdə tapılan sikif amazon-qızın DNT-si deşifrə edildi
Tuvadakı Sarıq-Bulun qəbirindən tapılan bir sikif döyüşçüyə aid qalıqların DNT-sinin deşifrə edilməsi Amazon qızının döyüşçü kimi tərbiyə olunduğunu göstərib.
Qaynarinfo xəbər verir ki, bu barədə MIPT mətbuat xidməti “Stratum plyus”a istinadən məlumat yayıb.
Tarixi Genetika MIPT laboratoriyasının müdiri Haris Mustafin skiflərin Dunayın aşağı axınlarından müasir Qazaxıstana qədər yaşayan qədim köçəri xalq olduğunu xatırladıb. Güman edilir ki, atları əhliləşdirən də məhz skiflərin əcdadlarıdır. Skiflərlə bağlı bir çox əfsanə var, bəziləri arxeoloji tapıntılar ilə də təsdiqlənir.
Beləliklə, qədim yunan tarixçisi Herodot yazırdı ki, skif döyüşçüləri arasında kişilərlə birlikdə döyüşən “Amazonlar” da var.
Rus paleogenetikləri bu hekayənin doğruluğunu sübut edib. Amazon qadının qalıqları 1988-ci ildə tapılıb. Onun məzar kurqanı eramızdan əvvəl 7-ci əsrə aiddir. Bu tarix skif tayfalarının çiçəklənmə dövrüdür.
Bir neçə əsgərin qalıqlarının üzə çıxdığı kurqanda bütöv taxta parçasından yonulmuş bir tabut tapılıb. İçində 12-14 yaşlı bir qızın cəsədi və tam bir silah dəsti olub: sikkə, yay və quyruqlu oxlar. Cəsəd qismən mumiyalanmış olub. Əsgər geyimləri əla vəziyyətdə qalıb.
