Manatın məzənnəsi digər valyutalar qarşısında necə dəyişib? – Siyahı
Bu ilin ilk 5 ayı ərzində Azərbaycanın əsas ticarət tərafdaşı olan ölkələrin əksəriyyətinə məxsus valyutalar manat qarşısında dəyərdən düşüb.
Yeniavaz.com Mərkəzi Bank tərəfindən açıqlanan rəsmi məzənnələrə istinadən bildirir ki, manat ən çox Türkiyə lirəsi qarşısında bahalanıb. Son 5 ayda lirə manat qarşısında 8,2% dəyərdən düşüb. Yanvar ayında 1 lirə 12,61 qəpik olduğu halda, mayda 10,94 qəpiyə düşüb.
Manat bu il ərzində yalnız Rusiya rublu və Gürcüstan larisi qarşısında dəyərdən düşüb. ABŞ dolları və Qazaxıstan tengi qarşısında isə manatın məzənnəsi dəyişməyib.
Aşağıdakı cədvəldə Azərbaycan manatının bu ilin ilk 5 ayı ərzində əsas ticarət tərəfdaşımız olan ölkələrin milli valyutaları qarşısında necə dəyişdiyi qeyd olunub.
| Ölkələr və valyutalar | Yanvar 2022-ci il |
May 2022-ci il |
Fərq |
| ABŞ – dollar | 1,7000 | 1,7000 | – |
| Qazaxıstan – tengə | 0,0039 | 0,0039 | – |
| Türkiyə – lirə | 0,1261 | 0,1094 | 13,2 % bahalanıb |
| İngiltərə – funt-sterlinq | 2,3046 | 2,1158 | 8,2 % bahalanıb |
| Belarus – rubl | 0,6589 | 0,6186 | 6,1 % bahalanıb |
| Avropa Birliyi – avro | 1,9247 | 1,7968 | 6,6 % bahalanıb |
| Ukrayna – qrivna | 0,0607 | 0,0574 | 5,4 % bahalanıb |
| Çin – yuan | 0,2674 | 0,2534 | 0,5 % bahalanıb |
| Rusiya – rubl | 0,0223 | 0,0263 | 18 % ucuzlaşıb |
| Gürcüstan – lari | 0,5520 | 0,5744 | 4 % ucuzlaşıb |
Məlumat üçün bildirək ki, qeyd olunan ölkələrin milli valyutalarının manat qarşısında ucuzlaşması və manatın dollar qarşısında sabit qalması bu ölkələrdən idxal olunan məhsulları ucuzlaşdıra bilər. Məsələn, inflyasiyanı nəzərə almasaq yanvar ayında Türkiyədən 100 lirəyə alınan bir məhsul üçün 12,61 manat ödəyirdiksə, may ayında 10,94 manat ödəmiş oluruq.
