İranda ağır yol qəzasında 12 nəfər ölüb

İranın şərqindəki Cənubi Xorasan vilayətində avtobus və yük maşınının iştirakı ilə ağır yol qəzası baş verib.

“Report” “Tasnim”ə istinadən xəbər verir ki, qəza nəticəsində 12 nəfər ölüb, 7 nəfər yaralanıb.

Vilayətin Yol Polisi rəisi polkovnik Rezai qəzanın səbəblərinin araşdırıldığını açıqlayıb.

O bildirib ki, yaralılar helikopterlə xəstəxanaya çatdırılıblar.

Məlumata görə, avtobus vilayətdəki Sərbişə şəhərinə gedirmiş.