Azərbaycan bu şəxsi “İnterpol” xəttiylə axtarışa verdi

Azərbaycan hüquq-mühafizə orqanları külli miqdarda dələduzluqda təqsirləndirilən şəxsi beynəlxalq axtarışa verib.

Bu barədə “İntepol”un (Beynəlxalq Cinayət Polisi İdarəsi; ICPO- International Criminal Police Organization) saytında məlumat qeyd olunub.

Bildirilib ki, Azərbaycan vətəndaşı, 1979-cu ildə anadan olan Yusif Əliyev külli miqdarda dələduzluqda və sağlamlığa ağır zərər vurma əməllərində təqsirləndirilir.

Onun barəsində məhkəmə tərəfindən qiyabi həbs qətimkan tədbiri seçilib və saxlanılması üçün “İnterpol”a müraciət edilib.

Hazırda onun tutulması istiqamətində axtarışlar davam etdirilir.