“Real Madrid”in prezidenti: “Mbappe ilə bağlı xəbərləri oxumuram”

“Real”ın prezidenti Florentino Peres Madrid təmsilçisinin PSJ-nin futbolçusu Kilian Mbappe ilə yenidən maraqlanması ilə bağlı yayılan şayiələrə cavab verib .

Qol.az “RMC Sport”a istinadən xəbər verir ki, o deyib: “Mbappe haqqında şayiələr var? Yox, mən bundan bezməmişəm, çünki belə xəbərləri oxumuram. “Real”ın gözəl gələcəyi var. Vinisius və Rodriqo ən yaxşı oyunçulardır. Gələcəkdə onlar “Qızıl top”u qazana bilərlər”.

Qeyd edək ki, Mbappe bu mövsüm PSJ-nin heyətində bütün turnirlərdə 14 oyuna çıxıb, 12 qol vurub və 1 qolun ötürməsini verib. Onun klubla müqaviləsi 30 iyun 2025-ci ilə qədərdir.