Avropa İttifaqı missiyasının müşahidəçiləri Kəlbəcərlə sərhəd əraziyə gəliblər

Oktyabrın 18-də Avropa İttifaqının monitorinq missiyası ikinci ordu korpusunun komandanı polkovnik Vaqram Qriqoryan və vilayət qubernatoru Karen Sarqsyanın müşayiətilə Ermənistanın Geqarkunik vilayətində bəzi kəndlərə baş çəkib.

Ermənistan KİV bildirib ki, onlar Tretuk, Kutakan, Sotk və Kut kəndlərində olublar, müşahidələr və ölçmələr aparıblar.

Qeyd edək ki, bu, Ermənistanla Azərbaycan arasında sərhəd hissələrindən biridir, sentyabrın ortalarında burada baş vermiş hərbi toqquşmalar hər iki tərəfdən ciddi itkilərlə nəticələnib.(Turan)