İlham Əliyev Rusiya Federasiyasının yeni səfirinin etimadnaməsini qəbul edib
Cümə axşamı Prezident İlham Əliyev Rusiya Federasiyasının Azərbaycana yeni təyin olunmuş fövqəladə və səlahiyyətli səfiri Mixail Yevdokimovun etimadnaməsini qəbul edib.
Söhbət zamanı Azərbaycan Respublikası ilə Rusiya Federasiyası arasında ikitərəfli dostluq münasibətlərinin müxtəlif istiqamətlərdə uğurla inkişaf etdiyi bildirildi, siyasi, iqtisadi-ticari, energetika, nəqliyyat, humanitar sahələrdə, regional təhlükəsizliklə bağlı məsələlərdə fəal qarşılıqlı fəaliyyətin həyata keçirildiyi qeyd olunub, – deyə dövlət başçısının saytında məlumat verilib.
Həmçinin “beynəlxalq təşkilatlar çərçivəsində səmərəli ikitərəfli əməkdaşlığın qurulduğu” vurğulanıb və ikitərəfli əlaqələrin bundan sonra da uğurla inkişaf edəcəyinə əminlik ifadə olunub.
Görüşdə Azərbaycan və Ermənistan arasında münasibətlərin normallaşması məsələsinə və sülh müqaviləsi üzrə danışıqlar prosesinin hazırkı vəziyyətinə də toxunulub.
Tərəflər energetika və nəqliyyat sahələrində həyata keçirilən layihələrin, o cümlədən Şimal-Cənub nəqliyyat dəhlizinin regional inkişaf üçün əhəmiyyətini vurğulayıb.
