Dünya

Bayden: “Trampı Ağ Evdən hərbçilər çıxarmalı olacaq”

ABŞ-da keçirilən prezident seçkilərində Demokratların namizədinin qalib gələcəyi təqdirdə, ölkənin hazırkı lideri Donald Tramp Ağ Evdən hərbiçilər tərəfindən çıxarılmalı olacaq.

Qaynarinfo “The Washington Post”a istinadən bildirir ki, bu fikri seçki marafonunda Trampın rəqibi olan Co Bayden deyib.

Onun sözlərinə görə, Tramp qələbəni “oğurlamağa” çalışacaq.

Tramp bu açıqlamanı cavabsız qoymayaraq “Fox News”a verdiyi müsahibədə deyib:

“Qazanmasam, qazanmayacağam. Mən irəli doğru hərəkət edəcəyəm və başqa işlərlə məşğul olacağam”. O, məğlub olacağı təqdirdə bunu qəbul edəcəyini, ancaq bu məğlubiyyətin ölkəsi üçün kədərli olacağını əlavə edib.

Xatırladaq ki, ABŞ-da prezident seçkiləri 2020-ci ilin payızında keçirilməlidir. ABŞ Demokrat Partiyasının nümayəndəsi Cozef Bayden və Respublikaçı Donald Tramp prezidentlik uğrunda mübarizə aparacaqlar.

Bənzər yazılar

Bunu da oxu
Close
Back to top button