İlham Əliyev RF baş nazirinin müavini ilə “Şimal-Cənub” dəhlizi layihəsini müzakirə edib

Oktyabrın 28-də dövlət başçısı İlham Əliyev Rusiya hökumətinin baş nazir müavini Andrey Belousovu qəbul edib.

Azərbaycan prezidentinin saytında yer alan məlumata görə, görüşdə iki ölkə arasında bütün sahələrdə əlaqələrin uğurla və dinamik inkişaf etdiyi qeyd edilib.

Tərəflər ticari-iqtisadi, nəqliyyat-logistika sahələrində, Şimal-Cənub nəqliyyat dəhlizi layihəsi ilə bağlı, maliyyə-bank, turizm və digər sahələrdə əməkdaşlıq perspektivləri ilə bağlı məsələləri müzakirə ediblər.