“Real”ın ulduzu bir dəqiqəlik sükut vaxtı təhqir olundu – VİDEO
İspaniya La Liqasının 22-ci turu çərçivəsində keçirilən “Osasuna” – “Real Madrid” matçı başlamazdan əvvəl bir dəqiqəlik sükut elan edilib.
Fanat.az “Marca”ya istinadən xəbər verir ki, Türkiyə və Suriyada baş verən zəlzələ qurbanlarının xatirəsi yad edilərkən, bir azarkeş qonaq komandanın hücumçusu Vinisius Junioru təhqir edib.
Sükutu qışqırıq səsi ilə pozan fanat Vinisiusa “fahişənin oğlu” deyib. Azarkeşlərdən bəziləri duruma gülüşlə reaksiya verib, əksəriyyət isə onun hərəkətini qınaqla qarşılayıb.
"Vinicius son of a b*tch" shouted by an Osasuna fan during the minute's silence for the victims in Turkey & Syria. pic.twitter.com/c0TYt88Ege
— ًَ (@ViniXtra_) February 18, 2023
Vinisius bu mövsüm dəfələrlə irqçi təzyiqə məruz qalıb. “Osasuna” ilə görüşdə “Real Madrid” 2:0 hesablı qələbə qazanıb, Vinisius isə Federiko Valverdeyə məhsuldar ötürmə edib.