Azərbaycanda indiyə qədər minaya düşən qadın və uşaqların sayı açıqlandı

“1992-ci ildən 2020-ci ilə qədər 3079 nəfər minadan zərər görüb”.

Bunu ANAMA-nın İdarə rəisi Ramil Əzizov “Mina Təhlükəsi İlə Mübarizə: Çağırışlar və İmkanlar” mövzusunda keçirilən beynəlxalq tədbirdə deyib.

Onun sözlərinə görə, 2020-ci ildən, noyabrda müharibə bitəndən bu günə kimi isə 268 nəfər minaya düşüb.

O bildirib ki, indiyə qədər minaya düşənlərin təxminən 550 nəfərini qadın və uşaqlar təşkil edib.