Azərbaycanda son bir gün ərzində koronavirus infeksiyasına 468 yeni yoluxma hadisəsi qeydə alınıb, 123 nəfər sağalıb, iki nəfər vəfat edib, bu barədə iyulun 27-də Nazirlər Kabineti yanında Operativ Qərargah məlumat yayıb.
Pandemiyanın başlanğıcından etibarən xəstəliyə yoluxanların ümumi sayı 341 183 nəfər təşkil edib, 5011 nəfər vəfat edib, 332 259 nəfər sağalıb, 3 913 aktiv xəstənin müalicəsi davam etdirilir.
Son bir gün ərzində koronavirusun müəyyən edilməsi üzrə 11859 test aparılıb.
Eyni zamanda, gün ərzində 68 020 nəfərə COVİD-19 əleyhinə vaksin vurulub.
32 219 nəfər birinci mərhələdə, 35 801 nəfər isə ikinci mərhələdə vaksinasiya olunub.
Vaksinasiya olunanların ümumi sayı 4 632 349 nəfər təşkil edib, onların 2 686 492 nəfəri birinci mərhələdə, 1 945 857 nəfəri isə ikinci mərhələdə vaksinasiya olunub.