Moskva Bakı və Yerevanın sülh müqaviləsinin hazırlanmasına başlamağa hazır olmasını alqışlayır və danışıqlar prosesinə kömək etməyə hazırdır. Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
“Biz Bakı və Yerevanın Azərbaycanla Ermənistan arasında sülh müqaviləsinin hazırlanmasına başlamağa hazır olmasını alqışlayırıq və danışıqlar prosesinə hərtərəfli yardım etmək əhval-ruhiyyəsində olduğumuzu təsdiq edirik”, – cümə axşamı Zaxarova brifinqdə deyib.
O əlavə edib ki, hələlik sülh müqaviləsinin imzalanma vaxtı barədə danışmaq tezdir.
