“Cahil adamlara fikir verməyin, hər şeyin öz vaxtı var…” – Zərdüşt Əlizadə

“Türkiyə sülhməramlılarının Qarabağa gəlməsi Azərbaycan və Türkiyə prezidentlərindən asılıdır”.

Bunu Qaynarinfo-ya açıqlamasında politoloq Zərdüşt Əlizadə deyib. Onun sözlərinə görə, siyasi qərar qəbil edilsə də, icrası şəraitdən asılıdır:

“Hər iki ölkənin siyasi, hərbi rəhbərliyi qərara gəlsə ki, Türkiyə sülhməramlılarının Qarabağa gəlməsi zamanı yetişib, onda gələcəklər, yox hesab eləsələr ki, məqam yetişməyib, gəlməyəcəklər. Siyasi qərar qəbil edilsə də, onun icrası şəraitdən asılıdır. Hələlik isə məqamı deyil. Bu gün Türkiyə sülhməramlıları tədricən gəlirlər. Artıq Müşahidə Komissiyasının 60 üzvü Azərbaycana gəlib. 100-dən yuxarı minatəmizləyənlər qrupu Qarabağda öz işlərinə başlayıb. Sülhməramlılara gəlincə isə onların Azərbayçana gəlməsi siyasi rəhbərliyin qərarından asılı olacaq”.

Zərdüşt Əlizadə hesab edir ki, ölkədə bəzi adamlar vəziyyəti düzgün qiymətləndirə bilmirlər:

“Kal, cahil adamlara fikir vermək lazım deyil. Hər şeyin öz vaxtı və məqamı var”.