Ermənistan sərhəddə vəziyyəti gərginləşdirməklə beynəlxalq ictimaiyyəti yanıltmağa çalışır. Bu barədə Azərbaycan XİN-in sərhəddə 31 avqust – 1 sentybar tarixlərində baş verən hərbi əməliyyatlarla bağlı bəyanatında deyilir.
“Ermənistan tərəfindən ölkə daxilində gərgin siyasi-ictimai vəziyyətdən diqqəti yayındırmaq, habelə beynəlxalq ictimaiyyəti yanıltmaq məqsədilə törədilən bu kimi əməllər ciddi formada beynəlxalq ictimaiyyət tərəfindən rədd edilməli və qınanılmalıdır.
Ermənistanın törətdiyi təxribatlara görə məsuliyyət tam şəkildə bu ölkənin üzərinə düşür”, deyə bəyanatda bildirilir.
