Prezident DGK sədrinin müavinini vəzifədən azad etdi

Dövlət Gömrük Komitəsinin (DGK) sədrinin müavini Əsgər Abdullayev vəzifəsindən azad edilib.

AzToday.az “Report”a istinadla xəbər verir ki, bununla bağlı Prezident İlham Əliyev Sərəncam imzalayıb.

Xatırladaq ki, Ə.Abdullayev 1996-2006-cı illərdə Komitənin İdarə rəisi və Baş Gömrük İdarəsinin rəisi işləyib, 2006-cı ildə sədr müavini vəzifəsinə təyin edilmişdi.