BRİCS toplantısına dair…
Hazırda Cənubi Afrikada BRİCS”in 15-ci sammiti keçirilir və müzakirələrdə iştirak üçün Afrika ölkələri də daxil olmaqla 60-dan çox dövlət və assosiasiyaya üzv olmaq üçün müraciət edənlər dəvət olunub. Toplantı Avropa və ABŞ nümayəndələrinin iştirakı olmadan yüksək səviyyəli məmurların bu qədər cəmləşdiyi hadisə hesab edilə bilər…
Əsas məsələ BRICS valyutası və bir növ irimiqyaslı de-dollarizasiya deyil, təşkilata yeni üzvlərin qəbulu məsələsi olacaq. Qrup üçün uzun növbə yaranıb. Bununla belə, hər kəsi qəbul etmək lazımdırmı? məntiqi sual yaranır. Düşünürəm ki, bir növ qızıl orta tapılacaq, çünki həqiqətən qrupa üzv olmaq istəyənlər çoxdur…
Bir tərəfdən bu bloku çox genişləndirmək mümkün deyil, əks halda o, sadəcə olaraq amorf olacaq. Digər tərəfdən isə kimisə buraxmamaq da düzgün deyil. Ona görə də əsas beş ölkə arasında kimin qəbul edilib-edilməməsi ilə bağlı fikirlər fərqlidir. Bəyəndikləri və bəyənmədikləri var. Ona görə də məsələ mürəkkəbdir, böyükdür və sammitdə əsas məsələyə çevriləcək. Lakin tam əminliklə deyə bilərəm ki, qərarların 90% iqtisadi deyil, siyasi qərarlar olacaq…
Vahid BRİKS valyutası məsələsini götürsək görərik ki, BRİKS daxilində ticarət-iqtisadi əlaqələr hələ də çox zəifdir. İnteqrasiya prosesi gedir, lakin çox da sürətli deyil. Görünür ki, BRİKS qrupunu hələlik iqtisadi inteqrasiya qrupu adlandırmaq olmaz. Daha doğrusu, bu, ümumi geosiyasi məqsədləri olan, lakin Qərbdən əhəmiyyətli dərəcədə iqtisadi asılılığını saxlayan ölkələrin qeyri-rəsmi birliyidir…
Pərviz Əliyev, politoloq
