Hadisə

Gömrük Komitəsində daha bir general işdən çıxarıldı – Dosye

Dövlət Gömrük Komitəsinin Gömrük Tariflərinin Tənzimlənməsi və Ödənişlər Baş İdarəsinin rəisi, general-mayor Mirqasım Fazil oğlu Vahabov işdən çıxarılıb.

Yeniavaz.com xəbər verir ki, 1999-cu ildən Dövlət Gömrük Komitəsində işləyən Mirqasım Vahabov 31 dekabr 1955-ci ildə Lənkəran şəhərində anadan olub.

1974–1976-cı illərdə ordu sıralarında xidmət keçib. 1977-ci ildə Bakı Plan-Uçot Texnikumunu, 1981-ci ildə Azərbaycan Xalq Təsərrüfatı İnstitutunu bitirib.

1999-cu ilə qədər Təhsil Nazirliyində müxtəlif məsul vəzifələrdə çalışıb.

1999-cu ildə Dövlət Gömrük Komitəsində Maliyyə-Tarif və Valyuta Nəzarəti Baş İdarəsinin rəisi vəzifəsinə təyin olunub, gömrük xidməti polkovniki xüsusi rütbəsi verilib.

24 yanvar 2007-ci il tarixindən Mirqasım Vahabova gömrük xidməti general-mayor xüsusi ali rütbəsi verilib.

Bənzər yazılar

Back to top button