Dövlət qurumu avtomobillərə izləmə cihazları quraşdıracaq
Qida Təhlükəsizliyi İnstitutu tərəfindən keçirilən tender müsabiqəsinin qalibi məlum olub.
Yeniavaz.com xəbər verir ki, tender müsabiqəsinin qalibi “A+A Security” MMC (VÖEN – 1400109131) olub.
Qida Təhlükəsizliyi İnstitutu “A+A Security” MMC-dən avtomobillər üçün izləmə cihazları (GPS) alacaq. MMC bu cihazların quraşdırılmasını və bir illik xidmətləri də həyata keçirəcək. Ümumilikdə, Qida Təhlükəsizliyi İnstitutu 100 ədəd belə cihaz alıb avtomobillərə quraşdıracaq. Alınacaq cihazlar,onların quraşdırılması və bir illik xidmət üçün 15 min 104 manat ödəniləcək.
Məlumat üçün bildirək ki, “A+A Security” MMC 08.06.2001-ci ildə dövlət qeydiyyatına alınıb. Nizamnamə kapitalı 30 manat olan MMC-nin hüquqi ünvanı Nəsimi rayonu, Rəşid Behbudov, ev 31-də yerləşir. MMC-nin qanuni təmsilçisi Xəlilova Ülviyyə Kərim qızıdır.
“A+A Security” MMC-nin “A+A Şirkətlər Qrupu”na daxil olduğu bildirilir. 1991-ci ildən fəaliyyət göstərən “A+A Şirkətlər Qrupu” əsasən tikinti və təmir sahəsində ixtisaslaşıb.
