Azərbaycanda qadın və kişilərin maaşı arasında kəskin fərq var – Rəqəmlər
Azərbaycanda qadınların aldığı əmək haqqı kişilərin aldığı əmək haqqından azdır.
Yeniavaz.com açıqlanan sonuncu rəsmi statistik göstəricilərə istinadən bildirir ki, ölkə üzrə muzdla işləyən qadınların orta aylıq əmək haqqı 552,2 manat, kişilərin orta aylıq əmək haqqı isə 851,7 manat olub.
Açıqlanan məlumatlardan belə görünür ki, istisnasız olaraq iqtisadiyyatın bütün sahələrində kişilər qadınlardan daha çox əmək haqqı alır.
Ümumiyyətlə muzdla işləyən kişilər və qadınlar arasında ən yüksək əmək haqqını mədənçıxarma sahəsində işləyənlər alıb. Bu sahədə qadınlar ayda orta hesabla 2 202,2 manat, kişilər isə 3 215,2 manat maaş alıblar.
Kişilərin ən az əmək haqqı aldıqları sahə kənd təsərrüfatı sahəsi olub. Bu sahədə kişilərin orta aylıq əmək haqqı 476,2 manat tşkil edib. Qadınların ən az əmək haqqı aldığı sahə isə inzibati və yardımçı xidmətlərin göstərilməsi sahəsi olub – 353,9 manat.
| İqtisadi fəaliyyıt növləri | Kişilər (manat) |
Qadınlar (manat) |
| Kənd təsərrüfatı, meşə təsərrüfatı və balıqçılıq | 476.2 | 395.2 |
| Mədənçıxarma sənayesi | 3215.2 | 2202.2 |
| Emal sənayesi | 757.2 | 474.5 |
| Elektrik enerjisi, qaz və buxar istehsalı, bölüşdürülməsi və təchizatı | 789.9 | 614.0 |
| Su təchizatı, tullantıların təmizlənməsi və emalı | 615.6 | 432.5 |
| Tikinti | 906.1 | 668.5 |
| Ticarət; nəqliyyat vasitələrinin təmiri | 556.8 | 476.1 |
| Nəqliyyat və anbar təsərrüfatı | 1013.7 | 644.7 |
| Turistlərin yerləşdirilməsi və ictimai iaşə | 627.9 | 485.9 |
| İnformasiya və rabitə | 1245.8 | 928.6 |
| Maliyyə və sığorta fəaliyyəti | 2280.4 | 1319.4 |
| Daşınmaz əmlakla əlaqədar əməliyyatlar | 725.5 | 511.6 |
| Peşə, elmi və texniki fəaliyyət | 1559.9 | 770.1 |
| İnzibati və yardımçı xidmətlərin göstərilməsi | 466.2 | 353.9 |
| Dövlət idarəetməsi və müdafiə; sosial təminat | 1027.1 | 866.8 |
| Təhsil | 596.0 | 502.1 |
| Əhaliyə səhiyyə və sosial xidmətlərin göstərilməsi | 720.5 | 528.0 |
| İstirahət, əyləncə və incəsənət sahəsində fəaliyyət | 657.8 | 461.4 |
| CƏMİ | 851.7 | 552.2 |
