Yanvarın 17-də axşam saatlarında Ermənistandan Qarabağa Laçın yolu ilə 26 erməni, o cümlədən 20 yeniyetmə mülki şəxs qayıdıb.
Onlar Rusiya sülhməramlılarının iki hərbi avtobusunda gətirilib.
Maneəsiz keçidlə təmin edilən karvanda daha bir Rusiya minik avtomobili də olub.
Həmin şəxslər hələ Laçın yolunda azərbaycanlı ekoloqların aksiyası başlanmamışdan əvvəl idman yarışlarında iştirak üçün Ermənistana gediblər.
Eyni zamanda, fəallar lap əvvəldən uşaqların geri qayıtmasının qarşısını almaq niyyətində olmadıqlarını və hətta bu işdə köməklik göstərməyə hazır olduqlarını bildiriblər.
Ümumilikdə yanvarın 17-də sülhməramlıların 39 texnikası Laçın-Xankəndi yolu ilə hərəkət edib.(Turan)
