Cinsi təcavüzdə ittiham olunan Alveş saxlanıldı

Braziliya millisinin üzvü Dani Alveş cinsi təcavüz ittihamı ilə İspaniya polisi tərəfindən Barselonada saxlanılıb.

Qol.az xəbər verir ki, bu barədə “Marca” nəşri məlumat yayıb.

Mənbənin məlumatına görə, futbolçu polis maşını ilə məhkəməyə aparılıb. Braziliyalı müdafiəçinin gələcəyi ilə bağlı hakim qərar verəcək. Bundan əvvəl Alveş polis idarəsində ifadə verib.

Xatırladaq ki, bir qadın 39 yaşlı futbolçunu Barselondakı gecə klublarının birində ona cinsi təcavüz etməkdə ittiham edib.