ManşetSiyasət

2023-2024-cü illərdə Azərbaycan Rumıniyaya 1 mlrd. kubmetr qaz tədarük edəcək

Cümə günü SOCAR Dövlət Neft Şirkəti və Rumıniyanın Romgaz şirkəti 2023-2024-cü illərdə Azərbaycandan Rumıniyaya qaz tədarükü haqqında müqavilə imzalayıb.

“Fevralın 3-də Cənub Qaz Dəhlizi Məşvərət Şurasının 9-cu iclası çərçivəsində 2023-2024-cü illər ərzində Azərbaycandan Rumıniyaya bir milyard kubmetrə qədər qaz nəqlinə dair Saziş imzalanıb”, deyə SOCAR Dövlət Neft Şirkətinin məlumatında bildirilir.

Bu saziş SOCAR və Romgaz S.A. arasında 2022-ci ilin 19 oktyabr və 16 dekabr tarixlərində imzalanmış sənədlərin davamıdır.

Bütün növ saytların yığılması - EMBLEM.AZ saytlarin yigilmasi

İmzalanmış sənədlər “Azərbaycan qazının ixrac coğrafiyasını genişləndirməklə yanaşı, ölkələr arasında əməkdaşlıq əlaqələrinin daha da möhkəmlənməsinə, həmçinin Avropanın enerji təhlükəsizliyinə və “yaşıl enerji” strategiyasına mühüm töhfə verəcək”.

Rumıniya KİV-lərinin məlumatına görə, qaz nəqli haqqında müqavilə 1 aprel 2023-cü il tarixindən 1 aprel 2024-cü il tarixinə qədər etibarlı olacaq.

Azərbaycan artıq TAP boru kəməri ilə Aİ ölkələrinə – Yunanıstan, Bolqarıstan və İtaliyaya qaz nəql edir və Rumıniya Avropaya ixracatın yeni ünvanı olacaq.(Turan)

Bənzər yazılar

Back to top button