Türkiyənin Kahramanmaraş şəhərində zəlzələnin episentri olan zonada aparılan axtarış-xilasetmə əməliyyatları zamanı FHN-in xilasediciləri səkkiz uşaq və Yeniyetmə daxil olmaqla 37 nəfəri dağıntılar altından xilas ediblər.
Bu barədə cümə axşamı Fövqəladə Hallar Nazirliyinin mətbuat xidməti məlumat yayıb.
Məlumata görə, xilasedicilər dağıntılar altından 145 nəfərin cəsədini də çıxarıblar.
Türkiyədə təbii fəlakət zonasında axtarış-xilasetmə işlərində Azərbaycandan 725 Xilasedici çalışır.
Türkiyənin cənub-şərqində baş verən dağıdıcı zəlzələ nəticəsində ölənlərin sayı 12,8 min nəfəri keçib.
