“Xarici agentlər haqqında” qanun Gürcüstanın Avroatlantik inteqrasiyasına xələl gətirə bilər

Çərşənbə günü Dövlət Departamenti bu yaxınlarda Gürcüstanda qəbul edilmiş “xarici agentlər” haqqında qətnamə ilə bağlı “dərin narahatlığını” ifadə edib, bu, Gürcüstanın Avroatlantik inteqrasiyasına xələl gətirə bilər.

Gəlirlərinin 20 faizdən çoxunu xarici mənbələrdən alan vətəndaş cəmiyyəti təşkilatları və KİV-lərdən “xarici agent” kimi qeydiyyatdan keçməyi tələb edən qanun layihəsi Gürcüstan parlamentinə təqdim edilib.

“Gürcüstan parlamentindəki qanun layihəsi bizə məlumdur… Biz onun Gürcüstanda söz azadlığı və demokratiya üçün nəticələrindən çox narahatıq”, – Dövlət Departamentinin mətbuat katibi Ned Prays brifinqdə Turan-ın müxbirinin suallarını cavablandırarkən deyib.

“Biz Gürcüstan hökumətindəki tərəfdaşlarımıza dərin narahatlığımızı bildirdik. Təklif olunan qanun öz ölkələri üçün ən yaxşı gələcəyi qurmağa sadiq olan müstəqil səsləri və vətəndaşları, onları susmağa məcbur edəcək. Hesab edirik ki, belə qanun Gürcüstanın Avroatlantik inteqrasiyasını potensial olaraq poza bilər”, – o deyib.

Gürcüstanda bəziləri bildirirlər ki, yeni qətnamə layihəsi xarici agentlərin qeydiyyatı haqqında Amerika qanununa (FARA) bənzəyir, lakin Prays bunu təkzib edib.

“Əslində, bu qanun layihəsi FARA və ya digər Amerika qanunvericiliyinə yox, Rusiya və Macarıstan qanunvericiliyinə əsaslanıb”, – o deyib.