Hadisə

ETSN-də nazirin sözü keçərli deyilmiş… – İDDİA

Dia.az xəbər verir ki, “ecofront” ictimai birliyi öz feysbuk səhifəsində Ekologiya və Tıbii Sərvətlər Nazirlkiyi ilə bağlı ilginc iddiaların yer aldığı məqaləni paylaşıb. Həmin məqalədə deyilir:

“Haftoni meşəbəyliyində etiraz etdiyimiz əsas əraziyə bitişik və əsas etiraz hədəfi olan ərazidən 20 dəfə ! böyük 120 hektar məhv edilmiş meşə ərazisinin taleyi hələ də qeyri müəyyən və cəzasız qalır. Müqavilənin ləğvi üçün nazirin verdiyi əmr yerinə yetirilmir! (Sarı rənglə işarələnmiş)

Bu ərazi Lənkəranda Asfalt zavodunun direktoru Asfalt Raqib adlı şəxsə – Raqib Məmmədova verilib. Müqavilə onun oğlunun adına bağlanıb. Asfalt Raqib təkcə Nazir Muxtar Babayevin ona verdiyi 100 hektarı məhv etməklə qalmayıb, nazirliyin öz audit yoxlamasına görə 30 hektar da əlavə yeri məhv edib.

Görün meşə necə yiyəsiz yerdir ki, kimsə 30 hektar meşəni “səhvən” artıqlaması ilə məhv edir. və Nazirliyin bundan aylar illər sonra ictimai etirazlardan sonra xəbəri olur. Yoxsa hava xoş idi.

Lap xəbəri olandan sonra da bu audit yoxlamasını həyata keçirən bu cinayəti ortaya çıxaran şəxsi vəzifədən vururlar ki, sənin başın qaçıb deyəsən. Bu audit yoxlamasına əsasən Nazir Muxtar Babayev gözdən pərdə asmaq üçün bir əmr verir ki, 2 ay müddətinə qanunsuz bağlanmış müqavilələr ləğv edilsin.

İki ay artıq tamam olub amma səs soraq yoxdur. Bu müqavilə qanunsuz bağlanmayıb amma niyyəti qanunsuz olub, və niyyətə uyğun olaraq müqavilə şərtləri kobud sürətdə pozulub 100 hektar meşə nazirin icazəsi ilə amma müqavilə şərtlərinə zidd + 30 hektar meşə isə “icazəsiz” mahv edilib.

Bu müqavilə də ləğv edilməli və məhv edilmiş meşənin yerində təbii bərpaya kömək tədbiləri görülməlidir, meşə cinsi ağaclar əkilməlidir. Təqsirkarlar cəzasız qalmamalıdır.

Keçən yay Haftonidə baş verən meşə qırğınları ETSN in necə rüsvayçı və həyasız bir qurum olduğunu göstərdi. Bir başa nazir Muxtar Babayevin öz göstərişi ilə həyata keçirilən dağıdıcı fəaliyyət onun günah keçiləri tərəfində həyasızcasına təkzib edilirdi. Yalnız təkzib edilməz faktlardan və davamlı ictimai nifrətdən sonra daha yuxarı dövlət qurumlarının müdaxiləsindən sonra bu dağıdıcı layihə ləğv edildi və yerində meşə cinsi ağaclar əkildi.

O həyasız təkzibləri edən Meşələrin İnkişafı Xidmətinin rəisi Namik Xıdırov (və onun müavini) artıq vəzifədən uzaqlaşdırılıb. Amma bu dağıdıcı fəaliyyətə razılıq verən nazir Muxtar Babayev özünə yoqa ilə məşğul olan zavallı xoşniyyət bir adam obrazı biçib öz fəaliyyətinə davam edir. Hələ də Haftoni cinayətinə görə dəymiş ziyan açıqlanmayıb, Beta şirkəti və, və ya digər təqsirkarlar məsuliyyətə cəlb edilməyib. Çünki bu hadisələr birbaşa Muxtar Babayevin məlumatı olaraq və göstərişi ilə baş verib.

Ecofront olaraq həmin ərazidə və digər məhv edilmiş meşələrdə bağ salınmasına hər addımda etiraz edəcəyik. Hətta salınmış bağların belə bir gün məhv edilib təbiətə qaytarılması üçün əlimizdən gələni edəcəyik. Meşəyə göz dikən hər bir sahibkar anlamalıdır ki, bu fəaliyyət dağıdıcıdır və qanunsuzdur. Muxtarlar Namiklər əbədi deyil. Bu adamlar vəzifədən qovulanda onların əlində bir kağız parçası qalacaq. və bir gün Azərbaycan xalqı Azərbaycan Dövləti öz təbiətinə sahib çıxacaq.

Monte Ferro MMC (AGA Group, Caspian Plaza, Dəmirçi Plaza) Agrarco MMC, Aqroİnkişaf 2017 MMC (PaşaHoldinqə aid olduğu deyilən şirkətlər), Beta Tea, və çoxlu irili xırdalı şəxslər və şirkətlər tarixə meşə cinayətkarı kimi düşəcəksiniz. Söz ağır gəlirsə bağışlayın. Təbiətə 1000 manatdan artıq ziyan dəyəndə cinayət tərkibi daşıyır”.

İddia olunanlarla bağlı qarşı tərəfi də dinləməyə hazırıq…

Bənzər yazılar

Back to top button