Niderlandlı hakim Azərbaycandan üzr istədi

Azərbaycan millisinin “AVRO-2020″nin seçmə mərhələsində Macarıstanla ötən gün baş tutan səfər matçı hakimin səhv qərarı ilə yadda qaldı.

Fanat.Az xəbər verir ki, görüşü idarə edən Niderlanddan olan FIFA referisi Dennis Yohan Hiqler 90+3-cü dəqiqədə Bəhlul Mustafazadənin qolunu qeydə almadı və yığmamız 0:1 hesabı ilə məğlubiyyətə uğradı.

Matçdan sonra hakim səhvini etiraf edib. Epizodun təkrarına baxan niderlandlı Azərbayvan millisinin baş məşqçisi Nikola Yurçeviçdən və komanda üzvlərindən yanlış qərarına görə üzr istəyib.