Azərbaycanlı milyarder Fərhad Əhmədovla rusiyalı prodüser İosif Priqojinə aid olduğu iddia edilən telefon danışığının səs yazısı Rusiya hakimiyyət orqanları tərəfindən araşdırılır…
Poliqon Rusiya mətbuatına əsasən xəbər verir ki, telefon danışığı üç qat ekspertizaya məruz qalacaq.
Qeyd edək ki, prodüser İosif Priqojin yayılan səsin ona aid olmadığını bildirib.
Rusiya mətbuatında gedən məlumatlarda bildirilir ki, əslində telefon danışığının Əhmədova və Proqjinə aid olmasını təyin etmək üçün bir ekspertiza da yetərlidir. Lakin üç qat ekspertiza heç bir şübhə yeri qoymur.
Ekspertizanın nəticələrinə uyğun olaraq rusiyalı milyarder Fərhad Əhmədovun və İosif Priqojinin həbs olunması istisna olunmur. Bundan əvvəl Ukraynadakı müharibəyə qarşı telefonda mənfi rəy səsləndirilən bir DİN işçisi haqqında cinayət işi açılıb və o, artıq həbsxanadadır.
Telefon danışığı zamanı Əhmədov və Pfriqojin Rusiya rəhbərliyi və prezident Vladimir Putinin addımlarını dəyərləndirərək, onun fəaliyyətini tənqid ediblər. Üstəlik, Fərhad Əhmədov Priqojinə müraciətində ölkə rəhbərliyinin Rusiyanı bataqlığa atdığını və indiyə qədər gələcəklə bağlı normal açıqlama eşitmədiyini bildirib.
Əhmədov Priqojinə Rusiyanın gələcəyindən qorxduğunu və bundan sonra ölkədə vətəndaş müharibəsinin olub-olmayacağını təxmin edə bilmədiyini söyləyib. Milyarder Rusiyanın Ukraynadakı savaşını “qardaşın qardaşı öldürməsi” adlandırıb və Moskvanın bundan necə canını qurtaracağını bilmədiyini qeyd edib.
Xatırladaq ki, bundan əvvəl Fərhad Əhmədov Azərbaycanda da səs yazısı ilə bağlı qalmaqalla üzləşib. O zaman onun Göyçaydakı evində axtarış aparılıb.
