Azərbaycanda yemək üçün kifayət qədər pulun və ya digər ehtiyatların (mənbələrin) olmaması səbəbindən ac ola-ola doyunca yemək yeyə bilməyən ev təsərrüfatlarının onların ümumi sayında xüsusi çəkisi 2,4%-ə bərabərdir.
Yeniavaz.com xəbər verir ki, belə bir məlumatı Dövlət Statistika Komitəsi açıqlayıb.
Açıqlanan sonuncu rəsmi məlumatlara istinadən apardığımız hesablama göstərir ki, Azərbaycanda təxminən 2 milyon 401 min ev təsərrüfatı var. Ev təsərrüfatlarının 2,4%-i təxminən 57,6 minə bərabərdir. Hər bir ev təsərrüfatının payına orta hesabla 4,23 nəfərin düşdüyünü nəzərə alsaq, Azərbaycanda təxminən 243 min nəfərin ac olduğu halda doyunca yemək yeyə bilmədiyini görmüş oluruq.