İqtisadiyyat

Muxtar Babayevin ilginc tender ortağı: “Hayat Group” MMC

Ekologiya və Təbii Sərvətlər Nazirliyinin Sahələrarası Nəqliyyat və Kompleks Mexaniki Təminat İdarəsi “Tam ötürücülü bortlu yük avtomobillərinin satın alınması” tenderinin nəticələrini açıqlayıb.

AzToday.az FED.az-a istinadla xəbər verir ki, tenderin qalibi “Hayat Group” MMC ((VÖEN: 1601930261)) seçilib.

Qalib şirkətə 4 yük avtomobili üçün 289 572 manat ödəniləcək.

Qeyd edək ki, avtomobillərə verilən tələblər bunlardır: “Buraxılış ili: 2022 – 2023-cü il Mühərrik: Dizel, 4 taktlı turbinli və havalı soyutma sistemi, hidrogücləndirici nasos və əyləc kompressoru Həcmi: 4 – 4.5 Gücü (A.G): 140 – 150 Silindrlərin sayı və yerləşməsi: 4, sıralı Təkər formulu: 4×4 Ötürücü tipi: Tam Klirens (yüklü halda arxa körpü karterinin alt hissəsinə qədər) mm: 300 – 320 Ön təkər: Baraban Arxa təkər: Baraban Transmissiya: mexaniki

“Hayat Group” MMC daha öncə “Təmiz Şəhər” ASC-nin 4 668 080 manat məbləğindəki “Şuşa şəhərində məişət tullantılarının idarə olunması üçün tələb olunan xüsusi texnika və yeraltı konteynerlərin satınalınması”(25.01.2023), Texnoloji Komplektləşdirmə İdarəsinin 3 306 000 manat dəyərindəki “Avtomobil nəqliyyat vasitələrinin satınalınması” (06.01.2023) və 1 839 620 manat dəyərindəki “Melorasiya, İrriqasiya obyektlərinin və hidrotexniki qurğuların istismarı üçün istehsalat nəqliyyat vasitələrinin (buldozerlərin) satınalınması” tenderlərinin qalibi olub (03.11.2022).

Xatırladaq ki, “Hayat Group” MMC 29.10.2013-cü ildə dövlət qeydiyyatına alınıb. Şirkətin nizamnamə kapitalı 148 520 manatdır. Qanuni təmsilçisi Babək İbrahimov Mikayıl oğludur. Hüquqi ünvanı Az1014 Bakı şəhəri, Nəsimi rayonu, Rəşid Behbudov küçəsi ev 50, giriş 2, m 10-da yerləşir.

Bənzər yazılar

Back to top button