Putin Paşinyanı Laçın dəhlizi üzərində çox dayanmamağa çağırıb

Aprelin 26-da Ermənistan baş naziri Nikol Paşinyan Rusiya prezidenti Vladimir Putinə zəng edərək, Laçın yolunun açılmasında köməklik göstərməyə çağırıb. Bu barədə Paşinyanın mətbuat xidməti məlumat yayıb.

Öz növbəsində, Kremlin mətbuat xidməti tərəflərin regionda sabitliyin və təhlükəsizliyin təmin edilməsi üzrə təcrübi vəzifələri müzakirə etdiklərini bildirib.

“Laçın dəhlizində vəziyyətin gərginləşməsi kontekstində Rusiya, Ermənistan və Azərbaycan liderlərinin bütünlükdə əsas razılaşmalar kompleksinə ciddi şəkildə riayət olunmasının vacibliyi təsdiq edilib”, deyə Kremlin məlumatında bildirilir.