Siyasət
Türkiyə KİV Ərdoğanın sabah Naxçıvana gələcəyini yazır
Türkiyə Prezidenti Rəcəb Tayyib Ərdoğanın Prezident İlham Əliyevin dəvəti ilə sabah – sentyabrın 25-də Naxçıvan Muxtar Respublikasına rəsmi səfərə gələcəyi bildirilir.
Yeniavaz.com xəbər verir ki, bu barədə Türkiyə KİV-də məlumat yayılıb.
Bildirilib ki, səfər zamanı prezident İlham Əliyevlə ikitərəfli və nümayəndə heyətləri arası görüşlər keçiriləcək.
Qeyd olunur ki, görüşlərdə Türkiyə ilə Azərbaycan arasında ikitərəfli münasibətlərin gündəliyində duran məsələlər, iki ölkə üçün ortaq maraq kəsb edən regional və beynəlxalq hadisələr müzakirə olunacaq.
