Qarsiya istefaya göndərilir – “Napoli”ni bu iki mütəxəssisdən biri çalışdıracaq

“Napoli” rəhbərliyi komandanın cari mövsümdəki uğursuz nəticələrinə görə komandanın baş məşqçisi Rudi Qarsiyanı istefaya göndərmək barədə düşünməyə başlayıb.

Fanat.az xəbər verir ki, informasiyanı “Gazzetta dello Sport” yayıb.

Mənbənin məlumatına görə, neapollular Qarsiyanı “Olimpik Marsel”in keçmiş baş məşqçisi İqor Tudorun namizədliyini nəzərdən keçirir. Bundan başqa, namizədlər arasında PSJ-nin keçmiş baş məşqçisi Kristof Qaltye də var.

Bütün növ saytların yığılması - EMBLEM.AZ

“Napoli” İtaliya çempionatının 5 turundan sonra 8 xal toplayıb və turnir cədvəlində 7-ci pillədə qərarlaşıb. Qarsiya yayda baş məşqçi vəzifəsində Luçano Spalettini əvəzləyib. Onunla 2025-ci ilin yayına qədər nəzərdə tutulan müqavilə imzalanıb.