GündəmManşetSiyasət

Prezident yeni ədliyyə naziri təyin etdi

Fərid Turab oğlu Əhmədov Azərbaycan Respublikasının ədliyyə naziri təyin edilib.

Bu barədə Prezident İlham Əliyev sərəncam imzalayıb.

F. Əhmədov 1979-cu ildə Bakıda anadan olub. O, 2000-ci ildə Bakı Dövlət Universitetində hüquqşünaslığı, 2002-ci ildə beynəlxalq hüquq üzrə magistr təhsilini bitirib. 2003-cü ildə “Chevening” təqaüdçüsü olaraq İngiltərənin Esseks Universitetində beynəlxalq insan hüquqları ixtisası üzrə magistr dərəcəsi alıb.

2009-cu İngiltərənin Oksford Universitetinə doktoranturanı bitirmək üçün “Weidenfeld” təqaüdçüsü olaraq daxil olub və 2016-cı ildə həmin universitetin hüquq üzrə fəlsəfə doktoru elmi dərəcəsini alıb.

2006-2007-ci illərdə Milli Məclis Aparatının İnzibati və Hərbi qanunvericilik şöbəsində məsləhətçi vəzifəsində işləyib.

2015-2017-ci illərdə “Azərbaycan” Universitetinin rektoru, 2017-2020-ci illərdə “Bakı Beynəlxalq Dəniz Ticarət Limanı” QSC-də baş direktorun müavini vəzifəsində çalışıb.

2021-ci ildə rəqəmsal inkişaf və nəqliyyat naziri Rəşad Nəbiyevə müşavir, 2022-ci ildə isə müavin təyin edilib.
F. Əhmədov həm də ADA Universitetinin hüquq fakültəsinin professorudur.

Ailəlidir, rus və ingilis dillərini bilir.

Bənzər yazılar

Back to top button