Cəmiyyət

Duz ürəyin fəaliyyəti üçün mühüm vasitədir – Alimlərdən yeni araşdırma

Adətən duzun insan orqanizminə həddən artıq mənfi təsir göstərdiyi söylənilir.

O, əksər hallarda mayenin bədəndə qalmasına və arterial təzyiqin yüksəlməsinə gətirib çıxarır. Kanadalı ekspertlər isə xörək duzunun zərəri barədə hər gün eşitdiyimiz mülahizələri təkzib edirlər. Onların fikrincə, duzdan orta miqdarda istifadə edilərsə, bu, ürək-damar sistemi üçün faydalı olar.

Alimlərin fikrincə, duzun gündəlik miqdarı Dünya Səhiyyə Təşkilatının tövsiyə etdiyi 5 qramdan azacıq artıq olarsa, bundan sağlamlığa ziyan dəyməz. Rasionda duz çatışmazlığı isə, əksinə, infarkt təhlükəsi yaradır.

Bütün növ saytların yığılması - EMBLEM.AZ saytlarin yigilmasi

Bu nəticələr 21 ölkədən 94 mindən çox insanın sidik nümunələri analizinin və digər göstəricilərin yekunları əsasında qeydə alınıb. Məlum olub ki, duzdan çox istifadə edilməsi ilə ürək xəstəlikləri arasında bağlılıq təkcə Çin üçün aktual olub. Ehtimal ki, buna səbəb soyadan hazırlanmış souslardan hər yeməkdə istifadə olunmasıdır (sutkada 12,5 qram duz). Bütövlükdə, ekspertlərin sözlərinə görə, gündə 1 çay qaşığı duzdan istifadə etmək təhlükə doğurmur. (AZƏRTAC)

Bənzər yazılar

Back to top button