Bizim seçimCəmiyyətHadisə

Bu il Almaniyadan nə qədər azərbaycanlı çıxarılıb? (RƏSMİ)

Bir çox ölkə vətəndaşları kimi, azərbaycanlılar arasında da rəsmi ya da qeyri-rəsmi formada xaricə gedib orada yaşayanlar olur. Amma xaricə üz tutan insanların heç də hamısının şansı üzünə gülmür.

Bəzi hallarda üz tutub getdikləri ölkələrin sərt qaydaları ilə qarşılaşırlar və bu zaman bir tək yol qalır: o da geri qayıtmaq. Bu geriqayıtma prosesi isə readmissiya üzrə həyata keçirilir.

Azərbaycanlıların ən çox readmissiya edildiyi ölkə Almaniyadır.

Son zamanlar azərbaycanlıların Almaniyadan deportasiyası haqqında məlumatlar yayılır.

O zaman maraqlıdır: son 9 ay ərzində nə qədər azərbaycanlı Almaniyadan readmissiya olunub?

AzToday.az xəbər verir ki, Dövlət Miqrasiya Xidmətinin mətbuat katibi Füzuli İsmayılov modern.az-ın sorğusuna cavab olaraq bildirib ki, Almaniya Federativ Respublikasından Azərbaycan Respublikasının vətəndaşları aşağıda göstərilən aylar üzrə readmissiya edilib.

Yanvar ayı 29 nəfər
Fevral ayı 38 nəfər
Mart ayı 33 nəfər
Aprel ayı 30 nəfər
May ayı 21 nəfər
İyun ayı 38 nəfər
İyul ayı 48 nəfər
Avqust ayı 24 nəfər
Sentyabr ayı 19 nəfər

Ümumilikdə isə bu il Almaniyadan readmissiya olunan azərbaycanlıların sayı 280 nəfərdir.

Bənzər yazılar

Back to top button