Bezos 165 milyon dollara malikanə aldı

Dünyanın ən varlı adamı, “Amazon”un rəhbəri Cef Bezos Los-Ancelesdə özünə 165 milyon dollara malikanə alıb.

Qaynarinfo xarici mətbuata istinadən xəbər verir ki, bu, bölgənin ən bahalı malikanəsi hesab edilir. Villa bundan əvvəl prodüser Devid Qeffenə məxsus olub.

Warner Estate adlı malikanə 3,6 hektar ərazidə yerləşir və 1930-cu ildə “Warner Bros Studios”un rəhbəri Cek Vorner üçün inşa edilib. Ərazidə bir neçə qonaq evi, geniş bağ, tennis kortu və qolf sahəsi var.

Daşınmaz əmlak agenti Kurt Rappaportun sözlərinə görə, bu, təkcə Los-Ancelesin deyil, dünyanın ən gözəl malikanələrindəndir.