Leninin abidəsinin pis təmirinə görə məmur məhkəməyə düşdü
Məhkəmə Çelyabinsk Tarixi və Mədəni İrs Mərkəzinin direktoru Yuliya Krasnova dəymiş ziyanı ödədiyi üçün onu Leninin abidəsinin təmirində yol verdiyi səhlənkarlığa görə cinayət məsuliyyətindən azad edə bilər.
Qaynarinfo xəbər verir ki, Rayon prokurorluğunun mətbuat xidmətindən verilən məlumata görə, Krasnova İnqilab Meydanındakı abidənin bərpası zamanı baş vermiş qanun pozuntularına dair araşdırmadan sonra səhlənkarlıqda (Rusiya Federasiyası Cinayət Məcəlləsinin 293-cü maddəsinin 1-ci hissəsi) ittiham olunur.
2017-ci ildə Çelyabinsk abidənin təmiri üçün 18 milyon rubl alıb, nəticədə Tarixi və Mədəni İrs Mərkəzi abidələrin bərpası üçün lisenziyası olmayan “Recom” MMC ilə təxminən 15 milyon rubl dəyərində müqavilə bağlayıb. Təmir pozuntularla aparılıb, abidə yarımçıq qalıb. 2019-cu ildə regional Nəzarət və Hesablama Palatası qayda pozuntusu qeydə alıb və səhlənkarlığa görə cinayət işi açılıb. Ekspertiza göstərib ki, başa çatmış işin dəyəri əslində 1,5 milyon rubldan bir az çoxdur.
İstintaq zamanı Krasnova dəymiş ziyanı könüllü olaraq ödəyib, “Cənubi Ural” İctimai Fonduna ianə edib. Bu əsasla vəzifəli şəxs cinayət təqibinə xitam verilməsi və cərimə edilməsi barədə vəsatət qaldırılıb.
