“Tərtər işi” fiqurantlarına dövlətə xəyanət ittihamı üzrə bəraət verilib

Baş Prokurorluğun təkrar istintaqının yekunlarına əsasən azadlığa buraxılan “Tərtər işi” üzrə 19 fiqurantın hamısına Cinayət Məcəlləsinin 274-cü maddəsi (dövlətə xəyanət) üzrə bəraət verilib. Bu barədə Bakı İnsan Hüquqları Klubunun rəhbəri Rəsul Cəfərov Turan-ın müxbirilə söhbətində bildirib.

Eyni zamanda 10 nəfər bəraətedici əsaslarla azadlığa buraxılıb.

Bununla yanaşı, onlardan 9-nun barəsində hərbi xidmət əleyhinə cinayətlərə dair digər ittihamlar olub.

Hüquq müdafiəçisinin sözlərinə görə, bu ittihamlar da onlardan “zaman aşımı”nın başa çatmasına görə və ya “dəyişmiş hallar” ilə əlaqədar götürülüb.