Biznesmenlərin olduğu təyyarə qəzaya uğradı: 9 nəfər öldü

Venesuelanın paytaxtı Karakasın yaxınlığında təyyarə qəzaya uğrayıb.

Qaynarinfo xarici KİV-ə istinadən xəbər verir ki, Oskar Maçado Zuloaqa hava limanından qalxan təyyarə meşəlik əraziyə düşüb. Hadisə nəticəsində 9 nəfər həyatını itirib. Onlardan 3-ü ekipaj üzvü, 6-sı isə sərnişin olub. Qəza ilə bağlı araşdırmalara başlanılıb. Təyyarənin hansı səbəbdən düşdüyü hələlik məlum deyil.

Yerli mətbuatın yazdığına görə, təyyarədə hökumətə yaxın iş adamları da olub.