Ermənistanda koronavirusa ilk yoluxma qeydə alındı

Ermənistana koronavirusa ilk yoluxma qeydə alınıb.

Qaynarinfo TASS-a istinadən xəbər verir ki, İrandan gələn ölkə vətəndaşında virus aşkarlanıb.

Ermənistanın baş naziri Nikol Paşinyan “Facebook” səhifəsində ölkədə koronavirusa yoluxma hadisəsinin qeydə alındığını təsdiqləyib: “Təəssüf ki, təxminən 2 saat əvvəl biz koronavirusa ilk yoluxma haqqında bildik. Pasiyentin 29 yaşı var. O, fevralın 28-də xanımı ilə İrandan gəlib”.

Qeyd edək ki, bundan əvvəl Ermənistan hökuməti yanında səhiyyə və əməyin müfəttişi orqanının rəhbəri Akop Avakyan ölkədə onlarla insanın koronavirus şübhəsi ilə xəstəxanaya yerləşdirildiyini bildirib.