“Şimali Koreya lideri Kim Çen İn ölüb” – Çinin TV rəhbəri

Çin Dövlət Televiziyasının rəhbəri Şimali Koreya Lideri Kim Çen İnin (Jong Un) öldüyünü iddia edib.

“MediaPost” xəbər verir ki, o, bu barədə sosial media hesabında məlumat paylaşıb.

Belə ki, televiziya rəhbəri Şimali Koreya liderinin həyatını itirdiyi barədə etibarlı mənbədən informasiya əldə etdiyini bildirib.

Qeyd edək ki, ötən günlərdə ölkənin rəsmi xəbər agentliyi tvitterdə Kim Çen İnin keçirdiyi əməliyyatdan sonra komada olduğunu açıqlayıb.

Onun xəstəliyi ilə bağlı dəqiq məlumatlar bəlli olmasa da, KİV onun ürək əməliyyatı keçirdiyini və vəziyyətinin ağır olduğunu yazmışdı.

Məlumata görə, Kim Çen İnin ölümü barədə xəbər təsdiqini taparsa, hakimiyyətə kiçik bacısı Kim Ye Çjon keçəcək.