Pandemiya dövründə avropalı liderlərin ilk üz-üzə görüşü keçiriləcək

Koronavirus pandemiyası dövründə bir sıra avropalı liderlərin ilk dəfə üz-üzə görüşü keçiriləcək.

Trend-in məlumatına görə, bu gün Çexiyanın Brjetslav şəhərində Çexiya, Macarıstan, Polşa və Slovakiya dövlət və hökumət başçıları görüşəcək.

İclas zamanı Avropa İttifaqının 750 milyard avro məbləğində yardımının alınması ilə bağlı detallar müzakirə olunacaq.

Qeyd olunur ki, görüş zamanı liderlər maska taxmalı və digər tədbirlərə əməl edəcək.