“Çox üzgünəm, ondan üzr istəyirəm” – Xosep Qvardiola

“Mançester Siti”nin baş məşqçisi Xosep Qvardiola “şəhərlilər”in futbolçusundan – hazırda icarə əsasında “Vest Hem”in formasını geyinən Kalvin Filipsdən üzr istəyib.

Fanat.az “Daily Mail”ə istinadən xəbər verir ki, ispaniyalı mütəxəssis daha öncə mətbuata “Qvardiola 2022-ci ildə, dünya çempionatından qayıdandan sonra məni artıq çəkimə görə sərt şəkildə qınadı və bu məqam özümə olan inamımı sarsıtdı” deyən futbolçuya görə təəssüfləndiyini bildirib:

“Hə, çox üzgünəm. Ondan üzr istəyirəm. Səkkiz ildə bir dəfə üzr istəmək yaxşı haldır. Təəssüf ki, belə olub. Həiqətən üzr istəyirəm”.