Atəşkəs yenidən pozuldu - Ordumuz cavab verdi

Ermənistan silahlı qüvvələri atəşkəsi yenidən pozub.

Bu barədə AzToday.az-a Müdafiə Nazirliyindən bildirilib.

Məlumata görə, sentyabrın 11-i saat 10:50 radələrində Azərbaycan Ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən mövqeləri Ermənistan silahlı qüvvələrinin bölmələri tərəfindən üzbəüz mövqelərdən atıcı silahlar vasitəsilə atəşə tutulub.

Bölmələrimiz tərəfindən qeyd olunan istiqamətdə adekvat cavab tədbirləri görülüb.