Deputatın şirkəti ləğv edildi

“Xəzər-XXI Əsr” MMC könüllü ləğv olunduğunu elan edib.

“Turan” agentliyi xəbər verir ki, bu şirkətin direktoru Milli Məclisin deputatı Elxan Süleymanovdur.

“Xəzər-XXI Əsr” MMC (VÖEN 1800026701) 2003-cü ildə yaradılıb.

Kommersiya hüquqi şəxslərin reyestrinə əsasən, Elxan Süleymanov daha iki şirkətə rəhbərlik edir: Azərbaycan-Bolqarıstan birgə müəssisəsi “Azbol” (VÖEN 1600387231) və “Aqroinkişaf” MMC (VÖEN 1800003871).

Maraqlıdır ki, bu şirkətlərin fəaliyyət növü barədə məlumat verilmir.

Qeyd edək ki, Elxan Süleymanov 2010-cu ildən Milli Məclisin deputatıdır.

O, parlamentə 85 saylı Şamaxı seçki dairəsindən seçilib.

Uzun illər AŞPA-da Azərbaycan nümayəndə heyətinin üzvü olub və bir il əvvəl bu heyətdən çıxarılıb.