XİN başçısı Ukraynanı xilas etməyin yeganə yolunu açıqladı

Litvanın xarici işlər naziri Qabrielius Landsbergis bildirib ki, Ukraynanı xilas etməyin yeganə yolu onu NATO ölkələrinin kollektiv müdafiəsinə daxil etməkdir.

Qaynarinfo xəbər verir ki, nazir bunu X sosial şəbəkəsindəki səhifəsində yazıb.

Onun sözlərinə görə, Ukraynanın Şimali Atlantika Alyansının himayəsi altına daxil edilməsi Rusiyanı cilovlamaq üçün yeganə yoldur.

“Litva bunu anlamaq üçün Ukraynanın təzyiqinə ehtiyac duymur”, deyə Landsbergis bildirib.