Uşaq-Gənclər İnkişaf Mərkəzinin direktoru 4 mərtəbəli villa tikdirir – Fotolar
Azərbaycanda vəzifə sahibi olan şəxslərin böyük bizneslərə, obyektlərə, dəbdəbəli vilalara sahib olmaları barədə çox yazılıb. Dövlətdən maliyyələşən təşkilatlara rəhbərlik edən əksəriyyət məmurların sahib olduqları var-dövlətlə aldıqları məvaciblər isə böyük ziddiyyət təşkil edir desək heç yanılmarıq.
AzToday.az azfakt.com-a istinadla xəbər verir ki, Abşeron rayon Masazır qəsəbəsi yoncalıq deyilən ərazidə Bakı şəhəri 4 nömrəli Uşaq-Gənclər İnkişaf Mərkəzinin direktoru Gülarə Quluzadə dəbdəbəli villa tikdirir.
Ərazidə yaşayan sakinlər youtube sosial şəbəkəsində səsləndirdikləri şikayətdə bildirirlər ki, Gülnarə Quluzadə tikdirdiyi villanın ətrafındakı evlərə gedən kanalizasiya xəttini dağıtdırıb.
Bildirək ki, villanın hazırkı sonra bazar qiymətinin yarım milyondan manata yaxındır.
Qeyd edək ki, Gülarə Quluzadənin rəhbərlik etdiyi 4 nömrəli Uşaq-Gənclər İnkişaf Mərkəzi Yasamal, Sabunçu və Pirallahı rayonlarını əhatə edir.
Qarşı tərəfin mövqeyini dərc etməyə hazırıq.
