“Azərbaycanın gələcəyi yoxdur”, - deyən YAP-çı xalqın deputatı olmaq istəyir 

Siyasətin “S”indən belə xəbərsiz, ata hesabına vəzifə və zəngin həyat əldə edən Samir Vəliyevin Milli Məclisdə nə işi var?

1 sentyabrda keçiriləcək növbədənkənar parlament seçkilərində “görməmiş”cəsinə bütün dairələrdən namizəd irəli sürən hakim Yeni Azərbaycan Partiyasının  (YAP) siyahısında ciddi dəyişiklik olmasa da, yeni simalar da ortaya çıxıb. AzToday.az xəbər verir ki, onlardan biri də 20 saylı Nərimanov ikinci seçki dairəsindən namizəd kimi irəli sürülən Samir Vəliyevdir. Əslində ona yeni sima da demək olmaz. Hazırda YAP Nərimanov rayon təşkilatının sədri vəzifəsini daşıyan Samir Vəliyev son illərdə “ayaqda qala bilmiş” bir neçə özəl ali məktəblərdən olan Odlar Yurdu Universitetinin rektoru Əhməd Vəliyevin oğludur.

Ailə üzvləri ilə birlikdə Odlar Yurdu Universitetinə rəhbərlik edən deputatlığa namizəd S.Vəliyev vaxtaşırı biznes fəaliyyəti ilə də gündəmə gəlir. Yəqin ki, YAP-da sürətli yüksəlişi də öz bizneslərindən narahatlıqdan qaynaqlanıb. Çünki keçmiş deputat Əhməd Vəliyevin ailə biznesi təkcə bağanan məşhur “Muğan Bank”la bitmir. Milli Məclisin deputatı, rektor, biznesmen, oliqarx Əhməd Vəliyevin biznesinin sərhədləri Türkiyə, Rusiya, hətta böyük Britaniyaya qədər uzanırdı.

Topdağıtmaz varidat qazanan Əhməd Vəliyev oğulları Samir və Munir vasitəsilə geniş ailə biznesi yaradaraq “Jalə Plaza”, Odlar Yurdu Universiteti və “Oksigen” klinikasının idarə edir. Samirə gəlincə, Əhməd Vəliyev oğlunu Odlar Yurdu Universitetində prorektor, hətta rektor əvəzi vəzifəsinə qədər yüksəldib. Daha sonra qısa müddət ərzində S.Vəliyev doktorluq işini müdafiə edərək, professor olub. 

Medianın yazdığı daha bir sensasion xəbərə görə, rektorun oğlu Samir Vəliyev təhsil nazirinin müşaviri olanda ata-bala “diplom biznesi” ilə milyonlar qazanırdılar (???).

Burada bir haşiyə çıxmaq lazımdır ki, Samir Vəliyev təhsil nazirinin müşaviri, peşə təhsili üzrə sektor müdiri, hətta Akkreditasiya və Nostrifikasiya İdarəsində rəis səlahiyyətlərini icra edib. Yəni xaricdə təhsil alan şəxslərin diplomlarının tanınması ilə bağlı məsələlərə Samir Vəliyev baxıb, deyilən və yazılanlara görə, bu vəzifədə olanda milyonlarla vəsait əldə edib. Hətta iddialara inansaq, rektor Əhməd Vəliyev oğlunun səlahiyyətlərindən istifadə edərək “Odlar Yurdu”nda xaricdə təhsil alan tələbələr üçün mərkəz yaradıb və saxta diplomların tanınması ilə əlaqədar biznesini genişləndirmək üçün xeyli pul qazanıb.

Buradan belə nətcə çıxamaq olar ki, sabiq təhsil naziri Mikayıl Cabbarovun vaxtında nazirlikdə yüksək nüfuza malik olan bir şəxsin vasitəsilə vəzifəyə gətirilən Samir Vəliyevin müşavirliyi, digər vəzifələrdə çalışması ölkəmiz və təhsilmiz üçün heç bir xeyir verməyib. Çünki hələ 2014-cü ildəki təyinatından tutmuş ata puluna hər şeyə nail olan birinin, yəni özünə xeyri olmaayan birinin dövlətə və nə fayda verəcək?  
Sözün qısası bi adam ömür boyu atasının yaratdığı şəraitdən istifadə edərək dövran sürüb. İndi də atasının yolu ilə gedərək, daha doğrusu, atasının çizdiyi yolla YAP-ın dəstəyi ilə nəyəsə nail olmaq istəyir. Bu zaman da belə bir sual ortaya çıxır: deputat olmaq Samir Vəliyevin nəyinə lazımdır? Suala cavab tapmasaq, deməli onunn deputat olması kiməsə gərəkli olub.

Məlumdur ki, Azərbaycan təhsili üzərindən qazanılan pullar hesabına Samir Vəliyevin ciddi maliyyə imkanları mövcuddur. Mediada yer alan bilgilərə görə, Samir Vəliyev təhsil üzərindən qazandığı pulları ölkədən xaricə çıxarıb, Londonda mülklər alıb. Hətta Samir Vəliyevin oğluna Londonda iş tapmaq üçün axtarışa başladığı barədə də söz-söhbətlər gəzirdi. Bu baxımdan, ona “Azərbaycanda bu qədər imkanın var, nə üçün oğluna burada iş qurmursan”, – deyə sual verənlərə cavabı belə olub: “Bu ölkənin gələcəyi yoxdur”.

İndi isə keçək onun deputat seçilmək üçün böyük mübarizəyə qoşulmasına. Onun seçilməsi üçün Nərimanov 20-ci dairədən namizəd olan sabiq spiker Adil Əliyev sıardan çıxarıldı. Mediann yazdığına görə, nə hikmətdirsə, onun qarşısına özündən də təcrübəsiz, siyasətdə naşı olan adamlar çıxarılır ki, deputat seşilməsinə ciddi əngəl yaranmasın. Məsələn, onun rəqiblərindən biri 24 yaşı Ayxan Baxşəlizadədir.

Yəni deputat seçilməsi üçün münbit şərait yaradılan alim-biznesmen atanın alim-biznesmen oğlu Milli Məclisə düşməyin 1 addımlığındadır. Onu yalnız seçicilər əngəllləyə bilər. “Azərbaycanın gələcəyi yoxdur”, - deyən YAP-çı da olsa, onun deputat olmağının qarşısı alınmalıdır. Üstəlik, siyasətin “S”indən belə xəbəri olmayan Samir Vəliyevin Milli Məclisdə nə işi var?

Orxan Məmmədli

AzToday.az